Од 20 до 23 ноември, во Скопје , во рамките на АЦЕС проектот, чија тема беше  „Јас и другите: да ја пронајдам различноста околу и во мене“, Средното електротехничко училиште „Михајло Пупин“ од Скопје и Електромашинското училиште од Вараждин ја  одржаа првата работна средба на тема:  Физички театар на младите со и без пречки во развојот.

   Дека луѓето се разбираат на сите јазици покажаа учениците од двете партнерски училишта. На завршниот сценски настап, преку аудиција со стиховите на Кочо Рацин и Добрица Цесариќ, прекрасните звуци на народната Биљана платно белеше и хрватската Кој незнае да сака, ги урнаа бариерите на јазикот со универзалниот јазик на литературата и музиката. Во завршната песна Македонско девојче учествуваа и ученици од Државниот училишен центар за образование и рехабилитација „ Партениј Зографски “ кои активно учествуваа во овој настан.

   Соработката ќе продолжи во Вараждин во февруари каде ќе се работи на уште една претстава и монтажа на снимените материјали.

На сите ученици им посакуваме

СРЕЌЕН ПОЧЕТОК НА НОВАТА УЧЕБНА ГОДИНА !

Во Средното електротехничко училиште на Град Скопје „МИХАЈЛО ПУПИН“ првиот училишен ден во новата 2013/14 учебна година започна со пригодна свеченост на која беа поздравени новозапишаните ученици и нивните родители. На учениците им беа претставени наставниците со кои ќе соработуваат во оваа учебна година.

По овој чин учениците со своите класни раководители заминаа на првиот класен час, а потоа продолжија со наставата според распоредот на часови.

Присутните родители на покана на Директорот на училиштето го одржаа првиот состанок со одговорните во училиштето.

На 24 и 25 јуни 2013 година учениците кои го завршиле основното образование ќе се одлучат во кое од средните училишта ќе ги надоградат своите знаења.